Fréttir af ársfundi sjóðsins
Ársfundur Stapa lífeyrissjóðs var haldinn í gær, fimmtudaginn 2. maí í Menningarhúsinu Hofi. Á dagskrá fundarins voru hefðbundin ársfundarstörf og var mæting góð.
Guðný Hrund Karlsdóttir, stjórnarformaður flutti skýrslu stjórnar og Jóhann Steinar Jóhannsson, framkvæmdastjóri fór því næst yfir ársreikning og áritanir auk þess að gera grein fyrir tryggingafræðilegri stöðu. Þá fór Óli Þór Birgisson, forstöðumaður eignastýringar, yfir fjárfestingarstefnu og ávöxtun það sem af er ári 2024. Að þvi loknu fór Jóhann Steinar yfir hluthafastefnu sjóðsins.
Á fundinum voru lagðar fram tillögur að breytingum á greinum 19.4 og 19.6 a) í samþykktum sjóðsins. Jóna Finndís Jónsdóttir, forstöðumaður réttindasviðs, fór yfir tillögurnar, tilurð þeirra og mat tryggingastærðfræðings á áhrifum þeirra. Tillögurnar voru samþykktar samhljóða.
Stjórnarkjöri var lýst en stjórn sjóðsins var kosin á fulltrúaráðsfundi sjóðsins þann 11. apríl sl. Stjórn Stapa lífeyrissjóðs skipa í dag:
Frá launamönnum:
Guðný Hrund Karlsdóttir (varaformaður), Björn Snæbjörnsson, Sigríður Dóra Sverrisdóttir og Þórarinn Sverrisson.
Varamenn: Ásdís Helga Jóhannsdóttir og Heimir Kristinsson.
Frá launagreiðendum:
Elsa Björg Pétursdóttir (formaður), Elín Hjálmsdóttir, Kristinn Kristófersson og Valdimar Halldórsson.
Varamenn: Guðrún Ingólfsdóttir og Páll Snorrason.
Næst lagði stjórn Stapa til að KPMG ehf. verði endurskoðandafyrirtæki sjóðsins á árinu 2024 og var tillagan samþykkt samhljóða. Þá var farið yfir starfskjarastefnu Stapa en lagðar voru fram breytingar á stefnunni sem snúa að upplýsingagjöf tengda sjálfbærni. Tillögurnar voru samþykktar samhljóða.
Nefnd um laun stjórnar lagði til að stjórnar- og nefndarlaun hjá Stapa hækki um 3,25% líkt og í nýlegum kjarasamningi ASÍ og SA í stað þess að miða við launavísitölu sl. 12 mánuði (6,8%) líkt og verið hefur sl. ár. Tillagan var samþykkt samhljóða.
Þá var nefnd um laun stjórnar samþykkt samhljóða en í nefndinni sitja stjórnarformaður Stapa, Borghildur Rúnarsdóttir, Ósk Helgadóttir og Tryggvi Jóhannsson.
Gögn frá ársfundinum:
