Hægt að tilkynna um brottflutta starfsmenn til Þjóðskrár

Nú líður að útsendingu sjóðfélagayfirlita. Samkvæmt lögum ber Stapa og öðrum lífeyrissjóðum að senda yfirlitið bréfleiðis nema að sjóðfélagi óski sjálfur eftir því á sjóðfélagavef að fá yfirlitið með rafrænum hætti.

Við viljum benda á að ef fyrrum starfsmenn eru fluttir úr landi þá geta launagreiðendur tilkynnt brottflutning viðkomandi rafrænt til Þjóðskrár Íslands.

Ef slík tilkynning er gengin í gegn, þá ættu sjóðfélagayfirlit fyrrum starfsmanna ekki að berast á rangt heimilisfang. Það fækkar endursendum yfirlitum og sparar kostnað.