Námskeið hjá VIRK

Virk-starfsendurhæfingarsjóður mun nú í september bjóða upp á námskeið Virk-starfsendurhæfingarsjóður mun nú í september bjóða upp á námskeið fyrir einstaklinga sem dottið hafa út af vinnumarkaði vegna heilsubrests.  Á námskeiðinu verður lögð áhersla á að skapa létt og skemmtilegt andrúmsloft, kynna mögulega starfsendurhæfingu og virknihvetjandi þjónustu á svæðinu ásamt leiðum til jákvæðs og árangursríks lífsstíls.  Ennfremur verða kynntar leiðir til úrvinnslu sálrænna áfalla, sjálfstyrkingu og til endurkomu á vinnumarkað. 
Um er að ræða 10 klst. námskeið (2 klst. á viku, í 5 vikur).  Námskeiðið er við allra hæfi og hefst  fyrsta námskeiðið á Akureyri, fimmtudaginn 22. september 2011 kl. 14:00 (í húsnæði Einingar-Iðju, Skipagötu 14.  Námskeiðið er þátttakendum að kostnaðarlausu.
Í framhaldinu er stefnt að samskonar námskeiðum víðar um Norðurland.  Skráning á námskeiðin er þegar hafin hjá ráðgjöfum Virk á Norðurlandi sem veita góðfúslega allar frekari upplýsingar.  (s:460-3600)