Nýtt sjóðfélagayfirlit birt á vef

Sjóðfélagayfirlit með upplýsingum um iðgjaldahreyfingar frá útsendingu síðasta yfirlits eru nú aðgengileg á sjóðfélagavef en yfirlitin birtast einnig í stafrænu pósthólfi á Ísland.is. Yfirlitið mun á næstu dögum berast til þeirra sem hafa óskað eftir að fá það sent í almennum bréfapósti.

Stapi brýnir fyrir sjóðfélögum að bera iðgjaldagreiðslur saman við launaseðla. Ef upplýsingar um iðgjöld vantar á yfirlitið er áríðandi að tilkynna það til sjóðsins innan 60 daga frá dagsetningu yfirlitsins.

Mikilvægt er að yfirfara hvort launagreiðandi skili inn mótframlagi í samræmi við kjarasamning. Hlutfallstala iðgjalds og mótframlags birtist fyrir aftan nafn launagreiðanda á yfirlitunum. Ef sjóðfélagi er ekki viss um hvert mótframlagið á að vera er rétt að hafa samband við viðeigandi stéttarfélag.

Í spurt og svarað höfum við tekið saman helstu spurningar og svör.

Stapi gaf út nýtt fréttabréf á dögunum. Meðal efnis er umfjöllun um afnám persónuafsláttar lífeyrisþega með heimlisfesti erlendis, kostnað erlendra vörsluaðila séreignarsparnaðar, upplýsingar um ávöxtun sjóðsins og margt fleira.

Vinsamlega hafið samband við sjóðinn ef frekari upplýsinga er óskað. Hægt er að senda beiðni á stapi@stapi.is eða hafa samband við okkur í síma 460-4500 til að fá aðstoð.