Sérstök útborgun séreignar heimiluð að nýju

Alþingi heimilaði að nýju þann 11. maí sl. tímabundna heimild til útgreiðslu á séreignarsparnaði.

• Umsóknarfrestur er til og með 31. desember 2021.
• Hægt er að taka út allt að 12.000.000 kr. (óháð því hvort heildarfjárhæðin er í vörslu hjá fleiri en einum vörsluaðila).
• Miðað er við stöðu séreignar 1. apríl 2021.
• Fjárhæðin greiðist út með jöfnum mánaðarlegum greiðslum á allt að 15 mánuðum frá því að beiðni um útgreiðslu er lögð fram hjá vörsluaðila.
• Staðgreiðsla er dregin frá útborgun.
• Umsóknarfrestur er til 15. hvers mánaðar vegna útgreiðslu í lok viðkomandi mánaðar.

Hægt er að sækja um sérstaka útborgun séreignarsparnaðar á umsóknarvef en þar er sérstök umsókn vegna þessarar útgreiðslu.

Upplýsingar um inneign í séreign hjá Stapa er að finna á vef sjóðfélaga.

Bendum einnig á spurt og svarað - Úrræði vegna COVID-19.