Sérstök útgreiðsla séreignar, hámark 6.250.000 kr
04.10.2011
Með lögum sem sett voru á árinu 2009 var sjóðfélögum veitt tímabundin heimild til að taka út séreignarsparnað og var heimildin miðuð við 1.000.000 kr., heimildin var rýmkuð, fyrst í 2.500.000 kr. og síðar í 5.000.000 kr.
Með lögum sem samþykkt voru 17. september sl. var heimild þessi veitt á ný og rýmkuð og er nú samtals 6.250.000 kr. Frestur til að nýta heimildina er til 1. júlí 2012.
Upplýsingar um heimildina:
- Heimilt er að greiða út innstæðu séreignarsparnaðar allt að 6.250.000 króna óháð því hvort samanlagður séreignarsparnaður er í vörslu hjá fleiri en einum vörsluaðila.
- Inneign sem hægt er að taka út miðast við stöðu 1. október 2011, en þó aldrei hærri fjárhæð en 6.250.000 krónur.
- Inneignin greiðist út með jöfnum mánaðarlegum greiðslum, að frádreginni staðgreiðslu, á 15 mánuðum frá því beiðni um útgreiðslu er lögð fram.
- Útgreiðslutími styttist ef um lægri fjárhæð en 6.250.000 kr er að ræða.
- Greiðslur sem greiddar hafa verið samkvæmt eldri heimild dragast frá heildarfjárhæð sem heimilt er að greiða út.
- Sé óskað eftir útgreiðslum samkvæmt heimild þessari fellur fyrra greiðslufyrirkomulag niður.
- Umsókn um úttekt þarf að hafa borist fyrir 20. dags mánaðar fyrir fyrstu útborgun.
- Stapi lífeyrissjóður þarf eins og aðrir vörsluaðilar að fá samþykki ríkisskattstjóra áður en útgreiðsla getur hafist.
- Sjóðfélagi ber ábyrgð á að upplýsa sjóðinn í hvaða skattþrepi skattgreiðslur af úttekt eiga að vera.
