Stjórn Stapa ákvað á stjórnarfundi að lækka tímabundið dráttarvexti af iðgjaldakröfum til sjóðsins. Dráttarvextir af iðgjaldakröfum verða því einungis 10% frá 1. október sl. (þegar bankahrunið varð) til 28. febrúar 2009 vegna uppgjöra sem gerð eru á þessu tímabili. Þeir sem ekki gera upp vanskil á þessu tímabili munu hins vegar greiða þá almennu dráttarvexti sem í gildi eru. Almennir dráttarvextir eru nú 26,5% en munu lækka í 25% þann 1. janúar n.k.

Á stjórnarfundi Stapa lífeyrissjóðs var ákveðið að lækka vexti sjóðfélagalána í 4,2% frá 1. janúar n.k., en áður höfðu þeir verið lækkaðir úr 5,7% í 5,2% 1. desember sl. Jafnframt var ákveðið að setja hámark á ný lán sjóðfélaga, 10 milljónir kr, en áður ákvarðaðist hámarkið eingöngu af veðhæfi fasteignar.

Á sjóðfélagayfirlitinu sem verið er að senda út kemur fram nýr veflykill fyrir sjóðfélagavef. Vefurinn hefur verið uppfærður og hvetjum við sjóðfélaga til nýta sér hann, bæði til að fylgjast með því að iðgjöldum þeirra sé skilað reglulega, og eins til að skoða áunnin réttindi og lífeyrisgreiðslur.

Á nýja launagreiðendavefnum er hægt að ganga frá skilagreinum vegna lífeyrisiðgjalda á skjótvirkan og auðveldan og þá er hægt að fá góða yfirsýn á skilum og greiðslum iðgjalda.

Á stjórnarfundi Stapa lífeyrissjóðs var ákveðið að lækka vexti sjóðfélagalána úr 5,7% í 5,2% frá 1. desember n.k.

Vegna þeirrar miklu óvissu sem ríkir í fjármálum á Íslandi eru margir að velta því fyrir sér hvernig best sé að ávaxta séreignarsparnað sinn. Stapi lífeyrissjóður fær nú margar fyrirspurnir um þetta efni frá sjóðfélögum sínum.

Samið hefur verið um kjör á Safni III í séreignarsparnaði sjóðsins. Safnið er ávaxtað í innlánum sem nú eru með ábyrgð íslenska ríkisins. Innlánið er verðtryggt og ber nú 8,05% vexti.  Vextir af láninu eru ekki fastir og munu breytast í samræmi við breytingar á vöxtum hjá íslenskum lánastofnunum.

Safn III er nýr kostur í ávöxtun á viðbótarlífeyrissparnaði.

Í öllu því hruni sem nú á sér stað á íslenskum fjármálamarkaði er gott að geta flutt a.m.k. eina góða frétt.

Tilkynning til rétthafa: Óvissan sem nú er á fjármálamörkuðum hefur gert það að verkum að nær ógjörningur er að verðmeta eignir. Með hliðsjón af þessu telur stjórn Stapa lífeyrissjóðs ekki rétt að gefa út gengi fyrir söfn séreignardeildarinnar.